وقالأبوتريكة في الاستوديو التحليلي على "بي إن سبورتس": "مرموش من أفضل اللاعبين في مانشستر سيتي بعد هالاند. أنا طالب من جوارديولا يشركه أساسي من أول مباراة، مفيش داعي لتركه على الدكة علشان التعود أو التدوير".
وأضاف: "شفت مرموش في أول تدريب ليه مع مانشستر سيتي، اللاعب عنده ثقة كبيرة في نفسه، ويستحق يلعب من البداية زي ما عمل مع سافيو ضد تشيلسي في أول مباراة ليه".
وتابع: "سافيو كان لاعب ممتاز في آخر 4 مباريات، لكن جوارديولا ما شاركوش في بعض المباريات زي ضد إيبسويتش وباريس سان جيرمان، وده لازم يتجنب مع مرموش".
وأشار أبو تريكة: "مرموش عنده المهارة والسرعة والحس التهديفي، وعارف يلعب في أي مكان في الهجوم. مفيش حد أفضل منه غير هالاند".
وأنهى أبو تريكة كلامه بالحديث عن المواهب المصرية: "مصر مليانة مواهب، ومرموش وصلاح خير مثال على اللاعب المصري اللي لو حصل على الفرصة هيقدم أفضل ما عنده".
يمكنكم متابعة مواعيد ونتائج جميع المباريات لحظة بلحظة عبر مركز المباريات
