عبّر خوسيه ريفيرو، المدير الفني لفريق أورلاندو بيراتس الجنوب أفريقي، عن سعادته بالفوز اللي حققه فريقه على النادي الأهلي في مباراة اليوم بدوري أبطال أفريقيا، مؤكدًا أن المباراة كانت صعبة وحافلة بالتنافس بين الفريقين.

وقال ريفيرو في الموتمر الصحفي عقب المباراه : "اليوم كان مهم جدًا والمباراة كانت مليانة تنافس بين الفريقين. الشوط الأول كان له شكل والشوط الثاني شكل تاني."
وأضاف: "أنا سعيد بالمستوى اللي قدمناه وسعيد بالمستوى العالي للاعبي أورلاندو بيراتس. الفوز على بطل أفريقيا في ملعبه والصعود كمتصدر للمجموعة حاجة كبيرة."

ووصل : "كنت بقول قبل المباراة إن اللقاء ده مهم جدًا،وفوزنا بالمباراة وصعودنا كمتصدرين حاجة نفتخر بيها، من المبكر نتكلم عن الأدوار الجاية، المهم إننا قدمنا أداء قوي في دور المجموعات وحققنا 14 نقطة،عندنا جهاز فني كبير، وكلنا بنشتغل مع بعض لحل أي مشكلة بتواجهنا، مش بشتغل لوحدي."

وتكلم عن صعوبة المباراة ضد الأهلي، وقال إن الفريق كان مركز جدًا رغم قلة الخبرات الإفريقية لبعض اللاعبين: "مباراة النهاردة كانت صعبة جدًا ضد الأهلي، وعندنا لاعب واحد بس عنده خبرات إفريقية، لكن ده كان دافع قوي لينا وخلانا نركز في المباراة بشكل أكبر."

واختتم : "مش شايف إن غيابات الأهلي كان ليها تأثير كبير، لأنهم لعبوا بشكل جيد جدًا، والأندية الكبيرة زي الأهلي وأورلاندو بيراتس عندهم لاعبين مميزين حتى في وجود غيابات."