الشناوي ومصطفي شوبير
كشف مصطفي شوبير حارس مرمي فريق الكرة الأول بالنادي الأهلي تفاصيل الخلاف مع زميله محمد الشناوي في الآونة الأخيرة.
قال مصطفي شوبير حارس مرمى النادي الأهلي في تصريحات تليفزيونية :
الحمدلله أنا والكابتن الشناوي مش بنمر بأي مشاكل وأي حاجة وسواء الكابتن الشناوي الأساسي أو أنا، فإحنا بنحترم بعض جدا.
تابع: مفيش أي كلام من اللي بيتقال من الناس والكلام ده خالص، يا كابتن نعتبر أن في بكره ماتش والشناوي الأساسي فأنا هزعل ليه من الشناوي؟
أضاف: المفروض أزعل من المدرب عشان مش بشارك لكن هزعل من الشناوي نفسه ليه ولا هو يزعل مني ليه؟ مفيش خالص الكلام ده والموضوع أسهل من ما يكون.
واستطرد مصطفى شوبير :
الأهلي مش في أزمة، أنت متصدر الدوري وقدامك ماتشين في أفريقيا وإن شاء الله هنتصدر مجموعتنا في أفريقيا .
واصل مصطفي شوبير: الناس حقها تقلق بس إحنا كفريق مترابطين ومحتاجين الجمهور معانا.
واختتم حديثه قائلا:
إحنا بنروح الماتش مش بنلاقي الجمهور، بس إحنا عايزينهم معانا وفي ضهرنا.
يمكنكم متابعة مواعيد ونتائج جميع المباريات لحظة بلحظة عبر مركز المباريات
