كشف مصطفى شوبير حارس الأهلي عن كواليس مشاركاته وحسم الجدل الذي أثير في الفترة الأخيرة حول أحقية الحارس الشاب بحراسة عرين المارد الأحمر.
وقال مصطفى شوبير عبر قناة النادي الأهلي في برنامج "حارس الأهلي": " الأهلي معندوش مشكلة احنا مش في ازمة اصلا مش محتاجين نفكر اننا في ازمة، عندنا ماتش مهم في كوت ديفوار وفي ماتش تاني اورلاندو هنا".
وتابع: "احنا دلوقت متصدرين الدوري وهنحاول نتصدر مجموعتنا الناس من حقها تقلق وكل اللي طالبينه من الناس تفضل في ضهرنا واحنا مترابطين كفرقة ومحتاجين الجمهور يبقي معانا".
وأضاف: "منحبش لما نروح الماتش نلاقي الجمهور مش موجود عارفين التوقيت بيبقى اربعة أو خمسة الساعة مش كويسة لكن لما بنلاقي الملعب متقفل بنحب ده اوي".
وأكد: احنا مش في أزمة واحنا ولو في ازمة محتاجين الجمهور يبقي في ضهرنا..ونقطة الشناوي احنا مش بنمر بأي مشاكل في الاول وفي الاخر هو بيلعب أو أنا دي وجهة نظر المدرب مش حابب اتكلم فيها، انا لو في يوم الشناوي هيلعب هزعل من الشناوي ليه؟ ما انا لو هزعل ازعل من المدرب في حاجات خلف الكواليس الناس مش بتبقي عارفاها"..
يمكنكم متابعة مواعيد ونتائج جميع المباريات لحظة بلحظة عبر مركز المباريات
