كشف خالد بيبولاعب النادي الأهلي والمنتخب المصري الأسبق والمدير الرياضي السابق للشياطين الحمر عن تفاصيل تجديد أكرم توفيق مع الأهلي.
وقال خالد بيبو في تصريحات لبرنامج "حارس الأهلي" على قناة الأهلي: "احنا اتعودنا في الاهلي اننا بنفكر في واحد قبل اتنين وبنطلع السلم خطوة خطوة انما كاس العالم خالانا كلنا راكبين الاسانسير بقينا بنجري جري رهيب".
وتابع: "واللي خضني دلوقت ان الناس بقيت بتهيف بطولة الدوري وافريقيا احنا بناخدها كدة كدة البطولة بقت سهلة احنا محتاجين لاعيبة عشان كأس العالم ودة كلام صعب جدا".
وأضاف: "أي نادي في الدنيا مش هيقدر يجيب 7-8 لاعيبة ومحتاج وقت في نص الموسم ومحتاج وقت في الدوري وفي افريقيا وانت بتدخل اللاعب واحدة واحدة".
وأكد: "الضرب بقي كله تحت الحزام كله عاوز يضرب فيك بأي سكة الجمهور قل شوية علي الادرة واللاعيبة ودة بيبقي طبيعي واكرم اتقعد معاه كذا قعدة لدرجة كويسة جدا ودة عادي وطبيعي".
يمكنكم متابعة مواعيد ونتائج جميع المباريات لحظة بلحظة عبر مركز المباريات
