كشف الإعلامي هاني حتحوت، في برنامج "الماتش"، عن رد اتحاد كرة السلة على بيان الأهلي بخصوص اللوائح والعقوبات.

وقال حتحوت: "سألنا اتحاد السلة ليه ما بعتوش اللوائح زي ما قال الأهلي في بيانه، وكان رد الاتحاد إن دي هي اللوائح اللي شغالين بيها من 2022 ومفيش أي تغيير حصل".

وأضاف حتحوت: "لما سألنا عن تفاوت العقوبات اللي اتكلم عنها الأهلي، رد الاتحاد وقال: 'العقوبات بتتحدد حسب رؤية مجلس الإدارة، بنجيب توصيات وبعدين بنقرر العقوبات'."

وتابع حتحوت: "اتحاد السلة قال إن جمهور الأهلي ساب اللاعبين وسب الحكام، واتكتب في تقرير الحكم والمراقب إن الجمهور استخدم عبارات زي 'القبيضة أهم' أثناء التتويج، قدام المسؤولين في الأهلي، والاتحاد قالوا: 'مش عارفين نقولكم إيه، إحنا بنعتذر'."

وفيما يخص العقوبات، قال حتحوت إن اتحاد السلة أوضح إن لجنة المسابقات كانت اقترحت عقوبات مشددة ضد الأهلي، لكن مجلس الإدارة قرر يخفف العقوبات ويطلعها أخف من اللي كانت مقترحة.