فجّر الإعلامي أحمد شوبير، حارس مرمى الأهلي ومنتخب مصر السابق، مفاجأة كبيرة بخصوص صفقات الأهلي في الميركاتو الشتوي الحالي.
وقال شوبير في تصريحات إذاعية اليوم الأحد: «اللي بتسمعه عن صفقات الأهلي كله مجرد اجتهادات، فيه جزء صح وفيه جزء كبير غلط».
وأوضح شوبير: «أنا عندي علاقة قوية مع مسؤولي الأهلي، ولما بسأل أي حد بيقول لي: لسه، ولو سألت عن مفاوضات مع لاعب معين بيقولوا لي: "جايز"، ولو سألت عن لاعب تاني بيقولوا لي: "موجود في المرشحين لكن مش عارفين".»
وتابع شوبير: «اللي أقدر أكده هو إن الأهلي بيتفاوض بجدية مع لاعيبة كويسين، لكن السؤال هل الأهلي بيفكر في لاعيبة محليين؟، الإجابة هي لأ، مفيش لاعب محلي الأهلي بيفكر فيه دلوقتي».
وأضاف شوبير: «طب هل فيه لاعيبة محليين بيفكروا في الأهلي؟ طبعا، أي لاعب محلي بيبقى حابب يلعب في الأهلي أو الزمالك حسب ميوله، وفيه لاعيبة نفسيهم يروحوا الأهلي لو الشروط المالية كانت ميسرة.
واختتم :عشان ما تتعبش نفسك في موضوع العروض دي، متسمعش كل حاجة، اللي أقدر أقوله إن مسؤولي الأهلي شغالين بقوة على الصفقات وده تحت إشراف كابتن الخطيب شخصيا».
يمكنكم متابعة مواعيد ونتائج جميع المباريات لحظة بلحظة عبر مركز المباريات
