تحدث لاعب الفريق الأول لكرة القدم بالنادي الأهلي وسام أبو علي عن فوز القلعة الحمراء بسداسية وإحرازه هاتريك.
وقال وسام : " الحمد لله على المكسب ومفكرناش في الي حصل أمام ماتش باتشوكا خلاص أسبوع تمرين ولمينا بعض كفرقة ونازلين نكسب بأي طريقة بالعافية هنكسب الشوط الأول كان صعب ربنا كرمنا واتعادلنا قبل الشوط ما يخلص".
وتابع: " الشوط الثاني، كلنا شفنا طلعنا وحوش وكرة حلوة أوي ومبسوطين وكل جول احلى من التاني وربنا كرمنا ومكسب حلو".
وأضاف: " أي حاجة بتحصل في الملعب من عند ربنا مش انا اللي بحط التشكيل هو المدير الفني انا لما بنزل الملعب بعمل اللي عليا والباقي عند ربنا وبتعب وببذل مجهود كبير وربنا بيكرمني بأجوال.
وأكمل: " الفترة الي مكنتش بلعب فيها كهربا لعب وسجل اول ماتش افريقي وعمل ماتش حلو وكلنا بنضيع فرص انا ضيعت انهاردة وربنا كرمني بعديها اياً كان مين بيلعب احنا فرقة النهارده انا مش هسجل من غير اسيستات زمايلي".
يمكنكم متابعة مواعيد ونتائج جميع المباريات لحظة بلحظة عبر مركز المباريات
