الرياضة

الشناوي: هدفنا اللقب الـ13 وكل الأندية الإفريقية تتمنى مكان الأهلي

أكد محمد الشناوي، حارس مرمى الأهلي وقائد الفريق، إن اللاعبين جاهزين تمامًا لملاقاة ستاد أبيدجان في أول مباراة في دور المجموعات لدوري أبطال إفريقيا، واللي هتكون يوم الثلاثاء الساعة 6 مساءً بتوقيت القاهرة.

وقال الشناوي في المؤتمر الصحفي قبل المباراة: "إحنا فرحانين جدًا إننا هنلعب أول ماتش في دور المجموعات، وبنستعد بشكل كويس، وإن شاء الله يكون التوفيق معانا."

وتابع: "وصلنا للنهائي الخامس، ونفكر في السادس، وكل بطولة بنكسبها بنرجع في اليوم التالي للتدريبات ونركز في البطولة اللي بعدها إحنا متعودين نلعب بطولات كتير في نفس الوقت، وعندنا دوافع دايمًا، وإن شاء الله نحقق الـ 13."

وأضاف الشناوي: "اللاعيبة كلها عارفة نظام النادي الأهلي، وهدفنا دايمًا إسعاد جمهورنا. لما نكسب بطولة، كل الفرق الإفريقية بتسعى إنها تكسبنا، وده بيخلينا دايمًا نركز ونستعد كويس."

واختتم قائد الأهلي: "الفرق كلها هتكون صعبة عشان الكل عايز يكسبنا، خصوصًا بعد ما فزنا في آخر نسختين وراحنا لكأس العالم للأندية. كل فريق عايز يكون مكان الأهلي."

إقرأ أيضا