انتقد الإعلامي أحمد شوبير، حارس مرمى الأهلي ومنتخب مصر السابق، مستوى اللاعبين الأجانب في الدوري المصري، وقال إنهم مش على المستوى المطلوب، وفي نفس الوقت بيتم تجاهل اللاعبين الشباب.
وقال شوبير في تصريحات إذاعية النهاردة: "إحنا مش بندي الفرصة خالص للاعبين الشباب في الأندية، وبعدين أنا آسف يعني، تروح تجيب لاعيبة أجانب محترفين وتقعدهم احتياطي، واللي بينزل منهم أدي، شوفنا نص كوم يعني، لا مؤاخذة."
وأضاف شوبير: "معظم اللاعبين الأفارقة المحترفين في الدوري المصري بدلاء مع فرقهم، ولو جبت لاعب كويس، هتلاقيه مش هيلعب بسهولة."
واختتم شوبير حديثه قائلاً: "موضوع الشباب ده مجنني بصراحة، هتدي الولاد الشباب فرصة إمتى؟"
