كشف حازم إمام عضو مجلس اتحاد الكرة السابق ولاعب الزمالك والمنتخب الوطني الأسبق عن حقيقة أزمة جدو وانتقاله من الاتحاد للأهلي مع وجود أزمة مع الزمالك حينها عندما أعلن الزمالك أحقية في التعاقد مع جدو.
وقالإمام: "الناس فاكرة اني لعبت في الورق، انا روحت النيابة شهدت لصالح جدو، لما روحت النيابة مكنتش أعرف إن حد عمل حاجة قلت هقول حق ربنا وهقول جدو مخدش فلوس هو جدو مضى العقد ومضى على ورق فاضى فاتكتب انه خد فيه فلوس وواحد وافق على الفكرة الغريبة وفوجئنا انها اتعملت".
وكشف: "كنت موجود أنا وحسام وابراهيم وجدو اختارني أنا بس من التلاتة قاعدين وروحت النيابة وشهدت شهادة حق ربنا وقلتلهم في النادي أنا مش هدخل النار عشان لاعب يجي هنا أو هنا".
ورد محمد ناجي جدو على كلام حازم إمام بعد الحديث عن تزوير عقده في الزمالك قبل انتقاله للأهلي.
وكتب جدو على صفحته الشخصية بـ إنسجرام: "أنا أخترتك ياكابتن حازم تشهد عشان عارف انك محترم وحقاني وتعرف ربنا".
