كشف حازم إمام عضو مجلس اتحاد الكرة السابق ولاعب الزمالك والمنتخب الوطني الأسبق عن حقيقة أزمة جده وانتقاله من الاتحاد للأهلي مع وجود أزمة مع الزمالك حينها عندما أعلن الزمالك أحقية في التعاقد مع جدو.
وقال إمام في تصريحات على قناة أون تايم سبورت: "موضوع جدو لبسته وحياة ربنا لبسته واللي لبسوني فيه ربنا يسامحهم لبسته للأسف الشديد، اتعمل الموضوع ده من ورايا كان نفسي همه يطلعوا يقولوا احنا اللي عملنا كده لكن مقالوش مش عارف هيقولوا ولا لأ".
وتابع إمام: "الناس فاكرة اني لعبت في الورق، انا روحت النيابة شهدت لصالح جدو، لما روحت النيابة مكنتش أعرف إن حد عمل حاجة قلت هقول حق ربنا وهقول جدو مخدش فلوس هو جدو مضى العقد ومضى على ورق فاضى فاتكتب انه خد فيه فلوس وواحد وافق على الفكرة الغريبة وفوجئنا انها اتعملت".
واختتم: "كنت موجود أنا وحسام وابراهيم وجدو اختارني أنا بس من التلاتة قاعدين وروحت النيابة وشهدت شهادة حق ربنا وقلتلهم في النادي أنا مش هدخل النار عشان لاعب يجي هنا أو هنا".
