أكد إبراهيم حسن، مدير منتخب مصر الأول لكرة القدم، أن المنتخب قدم أداءً مميزًا أمام كاب فيردي، مشيرًا إلى أن حسام حسن المدير الفني يعمل على زيادة عدد اللاعبين في صفوف الفريق بسبب كثرة الإصابات وغياب المحترفين.

وقال إبراهيم حسن في تصريحات عبر قناة "أون تايم سبورتس 2": " إن فيه لعيبة بعيدوا شوية عن مستواهم وشتتوا نفسهم، لكن هم لعيبة مهمين و لازم يرجعوا للتركيز.

 وأضاف: "مفيش داعي أقول أسامي، هم عارفين نفسهم، لازم يشدوا ويرجعوا تاني لمستواهم، لو مش قادرين يجيبوا نفسهم لازم يمشوا، لازم يكون عندهم تواضع ويركزوا علشان يلعبوا لمنتخب بلدهم."

وتابع: "الأنانية والغرور مش هتفيد، مفيش حاجة اسمها مش مهتم ألعب لمنتخب بلدي. كل لاعب لازم يعرف إنه شرف ليه إنه يكون موجود في منتخب مصر."

وختم كلامه قائلاً: "مفيش لاعب ممنوع من الانضمام، ونتمنى الكل يكون في حالة نفسية وذهنية كويسة في الفترة الجاية."