أكد أمام عاشور لاعب الأهلي ومنتخب مصر، في تصريحات تليفزيونية على قناة الأهلي مع الإعلامي أحمد شوبير، أن الأجواء المحيطة وعدم التأقلم في الدنمارك مع نادي ميتلاند، كانت من أهم الأسباب في عودته لمصر مرة تانية بعد فترة احتراف قصيرة.

وتابع: معرفتش أتأقلم بسرعة، اللغة كانت صعبة بالنسبة لي، ومعرفتش اتأقلم على الأجواء نفسها، وبلغتهم في الدنمارك إني هرجع لأني مش عارف أخد على الأجواء بالدنمارك.

أكمل: لما قررت أرجع من الدنمارك كان أولا هدفي هو العلاج في مصر، وكلمني احمد يحيي وكيل اللاعبين وطلب مني تفويض، ولما رجعت مصر كلمت كباتن الزمالك عشان أروح النادي وأرجع مع الفريق لأني مش هكمل احتراف.

أردف: كلموني في نادي الزمالك قعدت أسبوع والتاني و محدش كلمني من الزمالك خالص، انتظرت شهر ونصف و محدش سأل فيا، وهناك شخص مسؤول حالي داخل الزمالك على المستوى الفني قالي أدفع فلوس ميتلاند الدنماركي لو عايز ترجع الزمالك، وبعدها قالي هنشوف حل وانقطع التواصل معايا تماما من جانب الزمالك.

استطرد: أحمد يحيي وكيل اللاعبين كلمني وقالي امير توفيق مدير التعاقدات حينها  طلب عقد جلسة معايا، وكان تواصلي مع أمير توفيق كان إيجابي بشكل كبير للغاية.

واختتم: وعدت أمير توفيق أن خلاص هكون موجود في الأهلي وقفلت تماما قصة الزمالك، ومفيش كوبري حدث كما ردد البعض من ميتلاند للأهلي، وفي الأخير انتظرت الزمالك كثيرا ومحدش رد عليا وكنت بتصل عليهم محدش تواصل معايا خالص، رغم ان كنت مستني الزمالك قبل ما الأهلي يكلمني.

حبس إمام عاشور 6 أشهر مع الشغل

وعاقبت محكمة جنح مستأنف الشيخ زايد، إمام عاشور لاعب النادي الأهلي ومنتخب مصر، بالحبس 6 أشهر مع الشغل وإلغاء حكم البراءة السابق في واقعة «التعدي على فرد أمن الشيخ زايد في الاستئناف المقدم من نيابة الشيخ زايد، على حكم محكمة الجنح ببراءة اللاعب في اتهامه بضرب فرد أمن بمول أركان.

وكانت محكمة جنح الشيخ زايد، قد قضت ببراءة إمام عاشور، لاعب النادي الأهلي، من تهمة التعدي على فرد أمن داخل مول بمنطقة الشيخ زايد.