كشف إمام عاشور لاعب فريق الأهلي ووسط ميدانه، عن العديد من الملفات الشائكة التي أثيرت حوله وعلى رأسها المفاوضات بينه وبين الأهلي.
ويحل اليوم اللاعب إمام عاشور ضيفا على الإعلامي أحمد شوبير في برنامج حارس الأهلي عبر قناة الأهلي الرسمية، يتحدث خلاله عن عدد من الموضوعات المهمة.
مفاوضات الأهلي كانت سهلة، وأمير لما كلمني كنت مبسوط
وقال إمام : “مفاوضات الأهلي كانت سهلة، وأمير لما كلمني كنت مبسوط والحكاية خلصت في مقابلتين، مرة في البيت عندي ومرة في النادي، ومضيت العقود على طول مقريتهاش ووقعت على طول لأني بحب البطولات، فلما يجيلك الأهلي هتقول إيه، أنا فعلا مبصتش في العقد ولا الراتب مضيت وأنا مغمض”.
وأكمل : أول مسؤول التقيت بيه في الأهلي كان سيد عبدالحفيظ وبعدها خالد بيبو، الناس اتكلمت معايا وفهمتني الدنيا، وبعدها كنا في معسكر النمسا، وأنا مقابلتش الخطيب غير كام مرة بس، وأول مرة شوفته كان في معسكر النمسا، وانا بحب الخطيب من زمان أوي ولما اتعاملت معاه حبيته أكتر، وقالي ركز معانا ومتخسرش جماهير الزمالك".
«كنت هلعب في الإسماعيلي بس محصلش نصيب»
وتابع إمام عاشور : “كنت هلعب في الإسماعيلي بس مفيش نصيب لما قدمنا أنا وأخويا محصلش نصيب، واختاروا أخويا ومخترونيش، بس الحمد لله كله نصيب”.
واختتم : "مضيت في غزل المحلة وأنا عندي 15 سنة، وكنت أصغر حد في الفرقة، وبعدها قضيت سنة كويسة وروحت نادي الزمالك وربنا كرمني ببطولتين دوري بعدها احترفت في ميتلاند".
حبس إمام عاشور 6 أشهر مع الشغل
وفي سياق آخر، عاقبت محكمة جنح مستأنف الشيخ زايد، إمام عاشور لاعب النادي الأهلي ومنتخب مصر، بالحبس 6 أشهر مع الشغل وإلغاء حكم البراءة السابق في واقعة «التعدي على فرد أمن الشيخ زايد في الاستئناف المقدم من نيابة الشيخ زايد، على حكم محكمة الجنح ببراءة اللاعب في اتهامه بضرب فرد أمن بمول أركان.
وكانت محكمة جنح الشيخ زايد، قد قضت ببراءة إمام عاشور، لاعب النادي الأهلي، من تهمة التعدي على فرد أمن داخل مول بمنطقة الشيخ زايد.
